Muqdisho: Qofki ugu horeeyay oo u dhintay cudurka Corona iyo bulshada dhexdeeda oo uu ku faafay

Wasaradda Caafimaadka iyo Daryeelka Bulsahda ayaa macaluumaad cusub kasoo saartay xaalada cudurka Corona.

Qodobadda hoos ku qoran waxaa laga soo guuriyay War-saxaafadeed ay wasaaradda soo saartay.

Xuquuqda sawirka: Wasaradda Caafimaadka iyo Daryeelka Bulshada.

1: Waxay Wasaaraddu cadaynaysaa in uu bilowday faafitaanka cudurka ee bulshada dhexdeeda (community transmission) 

2. Waxay wasaaraddu xaqiijisay maantay 4 xaaladood oo cusub oo la xariirta caabuqa COVID-19 taas oo tirada guud ee xaaladahada caabuqa COVID-19 ka dhigaysa 12

3. 4ta xaaladood oo cusub ayaa ah dad dhamaantood wadanka dhexdiisa joogay oo aan la laheyn xiriir dibadda

4. Waxaa sidoo kale geeriyooday Allaha u naxariistee xaaladdii ugu horraysay ee la xariirta caabuqa COVID-19, Somali 58 jir ah, kaas oo noqnaysa dhimashadii ugu horraysay wadanka gudihiisa

5. Waxaa kamid ah dadka laga helay cudurka 2 Sarkaal oo kamid ah shaqaalaha Wasaaradda Caafimaadka taas oo qasab ka dhigaysa dhammaan dadkii la shaqaynayay ama xariirka la lahaa inay karantiil galaan inta laga xaqiijinayo baaritaankooda

6. Wasaaraddu ku mashquulsantahay raadinta dadka ay xariirka la sameeyeen xaaladahaas cusub

7. Wasaaraddu waxay bulshada Soomaaliyeed mar kale ku adkaynaysaa inay guryohooda ku ekaadaan kana taxadaraan caafimaadkooda iyo badqabkooda

8. Fadlan inagala qayb-qaata xakamaynta cudurka oo raaca tilmaamaha caafimaad ee sida joogtada ah idiinla wadaagayso Wasaaradda Caafimaadka

War saxaafadeedka waxaa lagu daabacay bogga rasmiga Facebook-ga ee wasaaradda: https://www.facebook.com/WasaaraddaCaafimaadkaSoomaaliya/photos/a.667863630003492/2691386447651190/?type=3&theater

Share